Respublica партиясы: Жаңа Конституция – бүгінгі заман талабы

Жаңа Конституция – мемлекет пен азаматтар арасындағы жаңартылған қоғамдық келісім. Respublica партиясы алғы сөзінен бастап түбегейлі өзгерген басты құжатты осылай бағалады. Партия төрағасы Айдарбек Қожаназаровтың сөзінше,  ата-заңда  адам құқығын қорғауға, білім мен ғылымға,  сондай-ақ отбасылық институтты күшейтіп,  елдің аумақтық тұтастығын сақтауға баса мән берілген. Өңірлік партия жетекшілері де  реформаның мән-маңызына тоқталып, ойларын ортаға салды.  Жиынға қатысушылар  жалпыұлттық талқылауға белсенді қатысуға дайын екенін айтып, тұрғындарды да ауқымды өзгерістерге атсалысуға шақырды.

Жалпы Конституция бұл біздің барлық заңнамамыздың түпнегізі ғой, түптамыры. Сондықтан оған, өзгеріс енгізілсе, яғни өміріміздің барлық салалары өзгереді деген сөз. Соның ішінде өзім депутат ретінде, әлеуметтік мәдени комитетінің мүшесі ретінде, ана ретінде өзіме ең жақын атап өткім келетіні бұл отбасылық құндылықтарға байланысты ұлттық мәдени құндылықтарымызды сақтау және оларға ерекше мәртебе беру, мен үшін осы нәрсе ең басты  болып табылады.