Сарапшы: Конституциялық реформа заң шығару үдерісін жеделдетеді

Биыл ел тағдырына тікелей әсер ететін, Қазақстанның ұзақ жылдарға арналған бағыт-бағдары айқындалатын жыл болады.

Конституциялық реформа жаңарып, халық пен билік арасындағы байланыс нығая түседі. Заң ғылымдарының докторы Еркін Дүйсенов осылай дейді. Профессордың сөзінше, бір палаталы Парламентке өту еліміз үшін маңызды заңнамалардың сапалы әрі жылдам қабылдануына жол ашады. Сондай-ақ бұл өзгеріс мемлекеттік басқару жүйесінің тиімділігін арттырып, қоғамдағы сенімді күшейтуге септігін тигізеді.

Еркін Дүйсенов, заң ғылымдарының докторы, профессор:

Бір палаталы Парламент заңды жылдам әрі сапалы қабылдайды. Сондай-ақ мемлекет қаржысын үнемдеуге мүмкіндік береді. Қазір елімізде Конституциялық реформа қарқынды жүріп жатыр. Онда арнайы комиссия құрылып, әлеуметтік, экономикалық мәселелер мен адам құқығы сынды маңызды өзгерістер қаралуда. Бұл шешімдер заң мен тәртіп қағидатын берік орнықтырып, демократияның нығаюына жол ашады.