Әскерде дрон операторларын дайындау басталады

Былтыр еліміздің Десанттық-шабуылдау әскерлерінде ұшқышсыз ұшу аппараттарын құрастыруға арналған шеберхана ашылды. Жақында ондағы мамандар 100-дронды жасап шығарды. Ұшқышсыз авиациялық жүйелер бөлімшесінде дрондарды жинақтау, баптау, сынақтан өткізу және оларды әскери бөлімдерге тапсыру жолға қойылған. Бұл ішкі қажеттіліктің басым бөлігін қамтамасыз етуге мүмкіндік берді. Мамандардың айтуынша, қорғаныс саласында ұшқышсыз ұшу аппараттарын қолдану – заман талабы. Осы мақсатта биылдан бастап Десанттық-шабуылдау әскерлерінің оқу базасында дрон операторларын даярлау басталмақ.