Ұлттық құрылтайдағы ұсыныстар мұқият зерделенеді

Ұлттық құрылтайда көтерілген ұсыныстың барлығы мұқият зерделенеді. Премьер-министрдің орынбасары – Мәдениет және ақпарат министрі Аида Балаева осылай деді. Сыр өңіріндегі алқалы жиынға 100-ден аса құрылтай мүшесі қатысып жатыр. Бүгінгі сессияда әлеуметтік-мәдени даму, білім мен ғылым саласындағы маңызды мәселелер, азаматтық қоғам және экономикалық даму бағыттары бойынша да бірқатар мәселелер талқыға түсті.

Аида Балаева, ҚР Премьер-министрінің орынбасары – Мәдениет және ақпарат министрі:

Барлық ұсыныс Ұлттық құрылтайдың хатшылығы арқылы мұқият зерделеніп, тиісті қорытындылар жасалады. Жалпы, Президент тапсырмаларын орындау барысында Ұлттық құрылтай аясында ауқымды жұмыстар атқарылды. Бүгінгі жиында айтылған әрбір ұсыныс мемлекет дамуына үлес қосады деп сенемін.