Мәжіліс депутаттары «Пеноплекс» зауытының жұмыс барысымен танысты

Мемлекеттік сатып алу жүйесі мен салыққа қатысты сауалдар кәсіпкерлерді мазалайтын мәселелердің бірі. Алматы облысындағы өндіріс ошақтарының жұмысымен танысқан Мәжіліс депутаты Айдарбек Қожаназаров осылай деді. Ол құрылыс материалдарын, сусын шығаратын зауыттарға барып, кәсіпорын иелерімен тілдесті. Түйіткілді мәселелерді түртіп алды. Депутат кәсіпкерлік қанат жайса, ел экономикасы да нығая түседі деп отыр. Алайда өндіріс иелеріне сертификаттау мен халықаралық логистикаға қатысты қиындықтар қол байлау, дейді Мәжіліс депутаты.
Айдарбек Қожаназаров, ҚР Парламенті Мәжілісінің депутаты:

Осындай мекемелерді қолдасақ олар ары қарай инвестиция жасайды. Ары қарай тағы басқа да зауыттарды сала бастайды. Бұл тағы-тағы үлкен мүмкіндік. Сол себептен біз оны қазір өзімізге түртіп алдық. Менің ойымша 2-3 айдың ішінде сұрақтарды біз шешеміз.