Сыбайлас жемқорлыққа қатысты 1052 қылмыстық іс қозғалған

Былтыр сыбайлас жемқорлыққа қатысты 1052 қылмыстық іс тіркелген. Басым бөлігі пара алу және бюджет қаражатын ұрлаумен байланысты. 969 қылмыстық іс бойынша тергеу аяқталып, оның 860-ы сотқа жолданған.  Бюджетке 16,1 млрд теңге қайтарылып, жалпы құны 3,3 млрд теңгенің мүлкіне тыйым салған. Ұлттық қауіпсіздік комитеті 895 адамның заңсыз әрекетінің жолын кескен. Ал сыбайлас жемқорлық фактілері туралы хабарлама бергені үшін 61 адамға 24,2 млн теңге сыйақы берілген.