Басты Жаңалықтар Отандық арналар Түркияда хабар таратады

Отандық арналар Түркияда хабар таратады

18.12.2025 20:14

Отандық телеарналар енді Түркияның да ақпарат кеңістігінде хабар таратады. Бұл жөнінде Анкарада Түркия Президенті жанындағы Коммуникациялар басқармасының басшысы Бурханеттин Дуранмен кездескен Мәдениет және ақпарат вице-министрі Қанат Ысқақов айтты. Кездесу барысында вице-министр Премьер-министрдің орынбасары – Мәдениет және ақпарат министрі Аида Балаеваның сәлемін жеткізді. Басқосуда тараптар қазақстандық телеарналардың Түркия аумағында хабар таратуы жөнінде уағдаластыққа қол жеткізді. Сондай-ақ екі ел арасындағы ақпараттық ынтымақты нығайту және Мемлекет басшылары жүктеген міндеттерді жүйелі түрде жүзеге асыру мәселелері талқыланды.

Қанат Ысқақов, ҚР Мәдениет және ақпарат вице-министрі:

Түркия каналдарымен, Қазақстан телеарналарымен ортақ жобаларды пысықтау, соның ішінде мәдени мұрамыздың, тарихи мұрамыздың, туристік экономика, инвестициялық жобаларды айқындайтын ортақ проектілер. Оған қоса, тағы бір тақырып - ол әрине, дезинформация. Бір-бірімізге тиісті ақпарат алмасу, басқа да салаларды талқыладық. Ең басты мақсат – біздің міндеттеріміз бір, түркі мемлекеттерінің мүддесі де ортақ. Сондықтан осы бағытта жұмысты жалғастыру деп келістік.

Автор

Айдос Әшімұлы

Бөлісу