Басты Жаңалықтар Мемлекеттік қызметтердің 90% электронды форматқа өткен

Мемлекеттік қызметтердің 90% электронды форматқа өткен

Елімізде мемлекеттік қызметтердің 90%-ы электронды форматқа өткен. Азаматтар қажетті құжаттарды eGov порталы мен eGov Mobile қосымшасы арқылы ала алады. Сондай-ақ кейінгі жылдары кәсіпкерлерге арналған цифрлық сервистер де жүйелі түрде дамып келеді. Ұлттық ақпараттық технологиялар компаниясының дерегінше биылғы 10 айда eGov Business қосымшасы арқылы тұрғындарға 1 миллион 800 мыңнан астам мемлекеттік қызмет көрсетілген. Қазір оны ай сайын 46 мыңнан астам адам пайдаланады. Ал күнделікті белсенді қолданушылар саны 5 мыңнан асады. Айта кетейік, тамыз айында eGov 3.0 платформасы іске қосылған еді. Алдағы уақытта оған мемлекеттік қызметтің тағы 176 түрін енгізу және жасанды интеллект элементтерін қосу жоспарланып отыр.

Бөлісу