Ресейде жаңа көліктің орташа бағасы ₸40 миллионға жетті

Ресейде автокөлік бағасы қымбаттады. Биылғы тамыз бен қарашаны салыстырғанда көлік құны 20-30 процентке өскен. Басты себеп – утилизациялық алымның өсуі. Утильалым кейбір санаттар бойынша 70-85%-ға жоғарылады. Мысалы, ең көп сұранысқа ие отандық және импорттық жеңіл көліктердегі алым 300 мың рубльден 556 мыңға дейін өсті. Ал келер жылдың басында ол тағы қымбаттап, 667 мың рубльге жетпек. Қазір Ресейде жаңа көліктерді сатып алу үшін орта есеппен 6 миллион рубль, яғни 38 миллион теңге қажет. Бұл өткен жылмен салыстырғанда шамамен 12 пайызға көп.

Алексей Быков, сарапшы:

Лизинг бойынша да пайыздық мөлшерлеме жоғары. Мемлекет тарапынан мәселені шешу үшін белгілі шаралар қабылдануы тиіс. Себебі көліктің қымбаттауы такси бағасын да кері әсерін тигізуде.