Al Jazeera Қазақстанда хабар таратқысы келеді

Әлемдегі жетекші медиахолдингтердің бірі Al Jazeera Қазақстан Республикасы Президентінің Телерадиокешенімен стратегиялық әріптестікті нығайтуға ниетті. Медиакорпорация Қазақстанда хабар таратуға және Орталық Азияға арналған аймақтық медиа хаб құруға қызығушылық танытты. Бұл туралы Қатар астанасы Доха қаласында өткен кездесуде белгілі болды. Сонымен қатар тараптар журналистердің кәсіби біліктілігін арттыруға, тәжірибе алмасуға ынталы екенін жеткізді. Сарапшылардың пікірінше, бұл бастама Қазақстан медиасының халықаралық беделін күшейтіп, өңірлік ақпарат алмасуды жаңа деңгейге көтеруге жол ашады.