Ресейге 5 миллион үнді баруы мүмкін

Ресейге Үндістаннан 5 миллион еңбек мигранты кіргізілуі мүмкін. Себебі елде жұмысшы жетпей жатыр. Мәселен, өндіріс саласында 800 мың, сауда саласында 1,5 млн адам қажет. Сонымен қатар құрылыс, қоғамдық тамақтану сияқты салаларда да маман тапшы. Ресей былтырдан бері көші-қон талаптарын қатаңдатып, 20-ға жуық заң қабылдаған. Шетелдік жұмысшы саны 3 миллионға азайды. Санкция салдарынан экономикалық жағдай да қиындады. Орталық Азиядан келген еңбек мигранттары жаппай елден кетуде.

Дмитрий Гусев, саясаттанушы:

Бұл салада бір жүйе жоқ. Сондықтан еңбек мигранттарына қатысты қазір Ресейдегі патент жүйесінен бастарту көзделуде. Яғни, бұрынғыдай кез келген шетелдік келіп, жұмыс істеуге патент сатып ала алмайды. Нақты кәсіпорынға қанша жұмысшы қажет, сонша жұмысшыны әкелеміз. Бұл заңды қабылдауға жарты жыл кетеді.