Мемлекеттік кеңесші Ерлан Қариннің төрағалығымен «Адал азамат» тәрбие бағдарламасының жүзеге асырылуы жөнінде жиын өтті

Мемлекеттік кеңесші Ерлан Қариннің төрағалығымен жалпыұлттық құндылықтарға негізделген «Адал азамат» тәрбие бағдарламасының жүзеге асырылуы жөнінде жиын өтті. Кездесуде білім беру ұйымдарындағы тәрбие жұмысының тиімділігін арттыру мәселесі көтерілді. Ерлан Қарин жобаның барлық мектепті, оның ішінде жекеменшік білім орындарын да қамтуы керек екенін айтты. Ведомстволар арасындағы байланыс пен ұстаздарды әдістемелік тұрғыдан сүйемелдеу тәрбие жұмысының сапасын арттырады. Сондай-ақ бұл іске ата-аналар қауымдастығын жұмылдыру маңызды. Жиын соңында Мемлекеттік кеңесші Оқу-ағарту министрлігіне аталған міндеттерді ұтымды ұйымдастыру мақсатында нақты тапсырмалар жүктеді.