Сарапшы: АЭС жоғары қауіпсіздік деңгейімен жұмыс істейді

Еліміздегі электр энергиясының шамамен 70 пайызы көмірден өндіріледі. Алайда жылу электр орталықтарының басым бөлігі тозған. Сарапшылардың пікірінше, атом электр станциясын салу – күн тәртібіндегі маңызды міндет. Атом станцияларын жүйелі пайдаланса, кемінде 80 жылға дейін қызмет етеді. Жоғары деңгейдегі қауіпсіздік стандарттарымен басқарылады. Мамандар аймақтағы сейсмикалық және өзге де қауіп-қатерлердің алдын алу шаралары қазірден басталып кеткенін жеткізді.

Асхат Бекбаев, ядролық физика институтының зерттеу реактор кешені бас инженерінің орынбасары:

Оның басты ерекшелігі – пассивті қауіпсіздік пайдаланылады. Яғни, физикалық заңдылықтарға сүйене отырып, адамның қатысуынсыз өзін-өзі сөндіре алатын жоғарғы деңгейде екенін көрсетеді. Жаңа реакторлар буыны сейсмикалық жағынан төзімді болатындай етіп, оның барлығы қарастырылған.