700-ге жуық агрокәсіпорын цифрлық құралдарды қолданады

Елімізде 700-ге жуық ауыл шаруашылығы кәсіпорны цифрлық құралдарды қолданады. Соның ішінде 100-ден астамы қайта өңдеу саласында жұмыс істейтін ірі өндіріс ошақтары.  Бұл туралы Ауыл шаруашылығы министрі Айдарбек Сапаров Үкіметте айтты. Министрдің мәліметінше, заманауи технологиялар аграрлық кәсіпорындардың жұмысын едәуір жеңілдетеді. Қазіргі кезде цифрландыруды дамыту бағытындағы жұмыс жалғасып жатыр. Осылайша шаруалар құжаттар мен қызметтерді жылдам алады. Шығындарды азайтып, логистиканы оңтайландыруға мүмкіндік туады. Бұл өз өнімдерін нарыққа кеңірек шығаруға мүмкіндік береді.