Қазақстан мұнай өңдеуді 40 млн тоннаға жеткізбек

2040 жылға қарай Қазақстан мұнай өңдеу қуатын 40 млн тоннаға дейін көбейтуге ниетті. Бұл туралы Үкімет отырысында Энергетика министрі Ерлан Ақкенженов мәлімдеді. Оның айтуынша, 2024 жылдың қорытындысы бойынша мұнай өнімдерін өндіру көлемі 14,52 млн тоннаны құрады. 2040 жылға дейін мұнай өнімдерін өндіруді 29,2 млн тоннаға дейін арттыру жоспарлануда. Бүгін Үкімет отырысында өнеркәсіпті дамыту және цифрландыру мәселесі қаралуда.