Ресейде 50 градус аяз тіркелді

Ресейде 50 градус аяз тіркелді. Якутия республикасындағы Оймякон ауданынында күн күрт суып, қыс ерте түсті. Мұнда температура климаттық нормадан 7-8 градусқа төмен.

Айта кетсек, Якутияның екі елді мекені – Верхоянск және Оймякон аудандары жердің солтүстік жарты шарындағы ең суық нүкте. Онда бұған дейін минус 67 градус температура тіркелген. Мамандар алдағы қыс әдеттегіден суық болады дейді. 

Александр Шувалов, синоптик:

Аяз Кола түбегінен бастау алады. Скандинавиядан келген  атлантикалық циклонның әсері қатты болмақ. Бірнеше өңірде қалың қар жауады. Ал циклон кеткенде қатты дауыл болады. Жел екпіні сағатына 100 километрге дейін жетеді.