Мәскеуде Бауыржан Момышұлы атындағы турнир өтті

Мәскеуде Бауыржан Момышұлын еске алуға арналған бесінші бокс турнирі өтті. Биыл Кеңес Одағы батырының туғанына 115 жыл. Айтулы датаға орай Ресей астанасында халықаралық мәртебеге ие болған жарыс ұйымдастырылып, кіл мықтылар анықталды. Үш күнге созылған додаға 13-14 жас аралығындағы спортшылар 21 келі салмақ дәрежесінде бақ сынасты. Қазақстаннан бөлек, Әзірбайжан, Армения, Беларусь мемлекеттерінен де спортшылар келген. Турнирді өткізуге Мәскеу қазақтары мұрындық болды.

Нұрәли Абусағит, жас спортшы:

Сегіз жасымнан бокспен айналысамын. Бұл жарысқа тренерім Елубаев Айдармен келдім. Бұл жарыста қарсыластарым жақсы, бірінші бой ұттым. Жарыс өте жақсы деңгейде өтіп жатыр. Мен Бауыржан Момышұлы атамыз сияқты болғым келеді.