Алматыда балалардың дұрыс тамақтануына арналған ата-аналар форумы өтті

Елімізде әр бесінші бала семіздікке шалдыққан. Салдарынан жасөспірімдер арасында қант диабеті, гипертония, ас қорыту аурулары жиілеген. Мамандар бұған сапасыз азық-түлік те әсер етіп отыр дейді. Сондай-ақ мәселенің бір ұшы мектептегі тамақтану жүйесіне де тіреледі. Биылғы оқу маусымына дейін оқушыларға берілетін тағамдарда көкөніс аз, қант пен тұз мөлшері шамадан тыс жоғары болған. Ал биылдан бастап қант 3,6 есеге, тұз көлемі 5 есеге азайтылды. Мамандар ата-аналарға балалардың ас мәзірін үйде де тұрақты бақылауда ұстауға шақырады.