Альпинист Ғалымжан Құспанов жеті жанартауды бағындырды

Қазақстандық альпинист әрі саяхатшы Ғалымжан Құспанов жеті жанартауды бағындырды. Осылайша ол жер бетіндегі барлық құрлықта орналасқан ең биік жанартауларға шыққан әлемдегі 67-адам әрі тұңғыш қазақ атанды. Ғалымжан Құспанов мұқалмас күш-жігердің арқасында асқақ тауларды артқа тастап, көк байрағымызды жоғарыда желбіретіп жүр. Бұған дейін Антарктида, Оңтүстік Америка, Аустралия, Африка, Еуропа, Азия мен Солтүстік Америкадағы ең биік жанартауларға шыққан. Соңғысы – Мексикадағы Орисаба жанартауы. Биіктігі – 5636 метр. Сондай-ақ ол құрлықтардағы ең биік жеті шыңның алтауын еңсерген.