Иранда су тапшылығы сезіле бастады

Иранда су дағдарысы күшейіп барады. Осыған байланысты, жергілікті билік халқының саны 10 миллионнан асқан Тегеранның таяуда адам тұрмайтын жерге айналуы мүмкін екенін ескертіп отыр. Ал президент Масуд Пезешкиан мәлімдегендей, ел астанасынан тұрғындарды көшіру қаупі де бар. Тегеран бес резервуарға тәуелді. Солардың суы 43 пайызға азайып кеткен. Сонымен қатар, осындай жағдай өзге провинцияларда да байқалып отыр. Мамандардың пікірінше, Ирандағы су тапшылығына ылғалдың аз түсуі ғана емес, су құбырларының әбден тозуы да себеп болып отыр.