Елімізде соңғы аптада 150 мыңнан аса адам тұмау жұқтырған

Соңғы аптада елде 150 мыңнан аса адам тұмау жұқтырған. Бұл былтырғыға қарағанда 5,8%-ға көп. Мамандар мұны маусымаралық кезеңмен байланыстырып отыр. Қазан айының ортасынан бастап А тиіпті тұмау анықтала бастаған. Сондықтан Денсаулық сақтау министрлігі балалар, қарттар мен созылмалы аурулары бар адамдарды уақтылы екпе салуға шақырып отыр. Эпидемиологтар коронавирустың әлі де айналымда барын айтады. Бірақ бұрынғыдай емес, таралу деңгейі төмен.