Суданда қарулы жасақ 460 адамды өлтірді

Cуданның Жедел қолдау күштері осы аптада әл-Фашер қаласын басып алғаннан кейін жергілікті госпитальде 460 адамды өлтірді. Құрбандардың арасында пациенттер, олардың туыстары мен дәрігерлер және басқа да адамдар бар. Сонымен қатар, қарулы жасақтар үйлерді аралап жүріп, әйелдер мен балаларды соққыға жығып, оқ жаудырып талай тұрғынды қырған. Мұны Біріккен Ұлттар Ұйымы, босқындар және гуманитарлық топтар айтып отыр. Жедел қолдау күштері мен Судан армиясы билік үшін екі жыл бұрын бір-бірімен соғыса бастады. Содан бері 40 мыңдай адам қаза тауып, 14 миллионнан астам судандық үйлерін тастап кеткен.