Алматыда жыл соңына дейін әлеуметтік маңызы бар азық-түлікке қойылатын үстемеақы 15% аспайды

Алматыда жыл соңына дейін әлеуметтік маңызы бар азық-түлікке қойылатын үстемеақы 15 пайыздан аспайды. Қалалық әкімдік ірі сауда орындарымен осындай келісімге келді. Бұл - қант, ұн, нан, өсімдік майы сияқты күнделікті тұтынатын тауарларға қатысты талап. Алматылықтар соңғы уақытта азық-түлік бағасының аспандап кеткенін айтып, шағымданған еді. Келісімнің нәтижесінде алыпсатарлық тыйылып, тұрғындар үшін қолжетімді баға сақталады. Тауар құнын қадағалау үшін тексеріс жұмыстары жүргізіледі.