Трамптың Токиоға сапары басталды

АҚШ президенті Дональд Трамптың Азияға сапары жалғасып жатыр. Бірер сағат бұрын оның ұшағы Жапония астанасы Токио әуежайына қонды. Мұнда ол император Нарухито және премьер-министр Санаэ Такаичимен кездеспек. Тараптар инвестиция мен қорғаныс мәселелерін талқылайды. Ал бейсенбіде Трамп Оңтүстік Кореяда Қытай төрағасы Си Цзиньпинмен жүздеседі. Сол келіссөздер қарсаңында Вашингтон мен Бейжіңнің сауда келісімін жасауға уағдаласқаны белгілі болып отыр.