Дональд Трамп пен Си Цзиньпин келесі аптада Оңтүстік Кореяда кездеседі

АҚШ президенті Дональд Трамп Қытай төрағасы Си Цзиньпин келесі аптада Азияға сапарында кездеседі. Мұны Ақ үйдің баспасөз хатшысы Кэролайн Левитт растады. Оның мәлімдеуінше, бүгін кешкісін Құрама Штаттар жетекшісінің Малайзия мен Жапонияға сапары басталады. Ал алдағы бейсенбіде  Трамп Оңтүстік Кореяда өтетін АПЭК саммитінде сөз сөйлегеннен кейін Қытай лидерімен жүздеспек.

Айта кетсек, екі держава басшылары АҚШ пен Қытай арасында сауда соғысы күшейген шақта келіссөз жүргізбек. Трамп әкімшілігі биыл қытайлық тауарларға тарифті көтерді. Бұған жауап ретінде Бейжің Америкаға сирек металл экспортын шектей бастады.