ДСҰ әлем елдеріне жөтелге қарсы сироптың қауіптілігін ескертті

Дүниежүзілік денсаулық сақтау ұйымы әлем елдеріне үндістандық жөтелге қарсы үш сироптан сақтану туралы ескерту жасады. Солардың қатарында «колдриф», «респифреш» және «релайф» деген дәрілер бар. Аталған агенттіктің мәлімдеуінше, бұл өнімдер – улы. Сондықтан олар адам денсаулығы мен өміріне айтарлықтай қауіпті.

Айта кетсек, таяуда Үндістан орталығындағы Мадхья-Прадеш штатында 19 бала қайтыс болды. Олар қолданған сироптың құрамындағы диэтиленгликольдың мөлшері тиісті нормадан 500 есеге асып кеткен.