Газадағы соғыстың аяқталғаны жөніндегі келісімге қол қойылды

АҚШ, Мысыр, Қатар, Түркия жетекшілері Шарм-әш-Шейх саммитінде Газадағы соғыстың тоқтағаны туралы келісімге қол қойды. Палестиналық анклавтағы атыс Дональд Трамптың 20 пунктен тұратын жоспары негізінде доғарылып отыр.

Құрама Штаттар лидері айтқандай, «Таяу Шығыста ақыры бейбітшілік орнады».

Айта кетсек, 20 елдің басшылары қатысқан саммит қарсаңында «Хамастың» кепілдігіндегі барлық тұтқын Израильге оралды. Сонымен қатар Израиль түрмелерінен 2 мыңдай палестиналық шығарылған. Бұған қоса, Газадан Израиль әскері жартылай әкетілді.

Трамптың сөзінше, қазір Газаны басқару мен оның қауіпсіздігін қамтамасыз ету мәселесі қарастырылып жатыр және алдағы күндері АҚШ пен Мысырдың Газаны қайта құру бойынша серіктестерімен іске кірісетіні мәлім болып отыр.