Алматыда «Медетбек батыр» кітабы таныстырылды

Талай шайқаста ерлік көрсетіп, қазақ тарихында ерекше орны бар Медетбек батыр Есебайұлының туғанына биыл 200 жыл. Мерейтой аясында Алматыда ғылыми-тәжірибелік конференция басталды. Жиынға тарихшылар, әдебиетшілер мен әскери қолбасшылар қатысты. Зиялы қауым тұлғаны дәріптеу жастардың ұлттық рухын көтеріп, патриоттық сезімін арттыратынын айтады. Сондай-ақ жиын барысында «Медетбек батыр» кітабы да таныстырылды. Еңбекте ұлы тұлғаның Қоқан хандығымен болған ұрыстардағы және ұлт-азаттық күрестегі ерлігі жазылған.

Айта кетейік, жауынгер жайында республикалық ақындар мүшәйрасы ұйымдастырылады. Оның қорытындысы 14 желтоқсанда жарияланады.

Сол Медетбек батырдың істеген істері мен жасаған ерліктерін жастарға баяндап, соларға жеткізіп отырсақ, әскери салада, шекара мен арнайы қызмет саласында үлкен тәлім-тәржірибе, үлгі болады деп ойлаймын.