Парламенттік реформа жөніндегі жұмыс тобы құрылды

Бүгін Мемлекет басшысы Парламенттік реформа жөніндегі жұмыс тобын құру туралы өкімге қол қойды. Оның құрамында Мәжіліс пен Сенаттың, Қазақстан халқы Ассамблеясының өкілдері және Мәжілістегі саяси партиялар фракцияларының жетекшілері бар. Бұған қоса, жұмыс тобына ғылыми институттардың басшылары, белгілі заңгер-ғалымдар, Ұлттық құрылтай мүшелері мен сарапшылар енді.