Президент макроэкономикалық тұрақтылық мәселелеріне арналған жиын өткізді

Президент Қасым-Жомарт Тоқаев экономиканың даму сапасын арттыру және баға тұрақтылығын қамтамасыз ету мәселелері бойынша кеңес өткізді. Жиында макроэкономикалық орнықтылықты нығайту, азаматтардың әл-ауқатын көтеру және инфляция деңгейін төмендету шаралары қаралды. Мемлекет басшысы халықтың табысын жақсартуда саннан сапаға көшудің маңызды екенін атап өтті. Қасым-Жомарт Тоқаев экономиканы орнықты дамыту үшін барлық жауапты мемлекеттік орган жүйелі жұмыс істеуі керек деді.