Алматыда жедел жәрдем көлігі баланы қағып кетті

Алматыда жедел жәрдем көлігі жаяу жолақтан өтіп бара жатқан жасөспірімді қағып кетті. Жеткіншек балалар ауруханасына жеткізілді. Оқиға Әуезов ауданында болған. Қалалық денсаулық сақтау басқармасының мәліметінше, 2009 жылғы жасөспірімнің миы шайқалып, жабық бас-ми жарақатын алған. Сондай-ақ бет, сол жақ тізе буындарына да зақым келген. Баланың жағдайы – орташа ауыр. Қалалық Полиция департаменті тергеу басталғанын хабарлады.

Салтанат Әзірбек, Алматы қалалық ПД ресми өкілі:

Жедел жәрдем көлігі Жандосов көшесінің бойымен келе жатып, жаяу жолақпен кетіп бара жатқан 2009 жылы туған баланы қағып кетті. Қазіргі таңда болған жол көлік оқиғасы дерегі бойынша Әуезов аудандық полиция басқармасымен тергеу басталды. Барлық мән-жай анықталып, шешім қабылданады.