Шымкентте сот қызметкері есірткімен ұсталды

Шымкент қаласының қылмыстық істер жөніндегі мамандандырылған ауданаралық сотының қызметкері есірткімен ұсталды. Полиция өкілдері оны көшеде тоқтатып, тінту кезінде синтетикалық есірткі затын тапқан. Алдын ала болжам бойынша, азаматша есірткіні жасыруға бара жатқан. Бұл деректі қалалық Полиция департаменті растады. Есірткі заттарын сақтау фактісі бойынша қылмыстық іс қозғалды.