Әлем елдерінде Палестинаны қолдаған шерулерге мыңдаған адам қатысты

Әлем елдерінде Палестинаны қолдау шерулеріне ондаған мың адам қатысты. Бұл акциялар Газадағы соғыстың басталуына екі жыл толуына байланысты ұйымдастырылды. Израильдің Газадағы әрекеттерін айыптаған шерулер Германияда, Ұлыбританияда, Францияда, Швейцарияда, Швецияда, Грекияда, Түркияда, АҚШ-та, Мексикада, Колумбияда, Аргентинада, Бразилияда, Чилиде, Австралияда, Индонезияда, Пәкістанда және басқа елдерде өтті.

2023 жылы 7 қазанда Хамас 1200 адамды өлтіріп, 251-ін кепілдікке алған еді. Содан кейін Израиль бұл топқа қарсы шабуылға кірісіп, Газада 67 мыңнан астам палестиналықты мерт қылды. Теңіз жағалауындағы анклав түгелге жуық қирап, 2,2 миллион халықтың көбі баспанасыз қалды. Сонымен қатар, Газада мыңдаған тұрғын ашаршылыққа душар болды. Бұл ауыр гуманитарлық жағдай миллиондаған адамның палестиналықтардың жағына шығуына себеп болып, Израильдің халықаралық аренада оқшаулануы күшейіп келеді.