Көркем жүзушілер Үндістанда үш медаль жеңіп алды

Көркем жүзушілер тағы да олжалы болды. Үндістанда өтіп жатқан Азия чемпионатында спортшыларымыз кезекті жарыс күнінде үш медаль жеңіп алды. Оның екеуі алтын, біреуі қола. Карина Магрупова мен Виктор Друзин жекелей сынның еркін бағдарламасында да қарсыластарға еш мүмкіндік қалдырмай чемпион атанды. Барлық элементті жоғары деңгейде орындаған спортшылар қазылардың оң бағасын алды. Қос атлет бұған дейін техникалық бағдарламада да алтын жүлдені иеленген еді. Сондай-ақ Виктор Друзин Наргиза Болатовамен жұптық сында 241.4613 ұпай жинап, үшінші орыннан көрінді.