Шыңжаңда қар борап, жолдар жабылды

Қытайдың Шыңжаң Ұйғыр Автономиялық аймағының үкіметі Алтай тауындағы Қанас көлі маңында серуендеуге және лагерь құруға тыйым салды. Мұндай шешім боран кезінде бірнеше турист автомашинамен қар құрсауында қалып, жолдарды көк тайғақ басқаннан кейін қабылданып отыр.

Жергілікті ақпарат құралдарының дерегінше, бір саяхатшы суық өтіп, ауруханаға жеткізілген. Осы оқиғадан кейін полицейлер Қанас көліне бара жатқан 300-ден астам адамды кері қайтарды.