Эверест тауында 1000-ға жуық адам қар құрсауында қалды

Эверест тауының Тибеттегі баурайында мыңға жуық адам қар құрсауында қалып қойды. Қазір құтқару операциялары жалғасып жатыр. Мұны Қытайдың мемлекеттік ақпарат құралдары хабарлап отыр. Олардың дерегінше, 4900 метр биіктіктегі лагерьден әзірге 350 адам жерге түсірілген. Эверестің шығысына туристер мен альпинистер көп барады. Бұл аймақта қар жұма күні жауа бастап, оның соңы кейіннен боранға ұласып кеткен.