Тбилисиде шерушілер полициямен қақтығысты

Грузия астанасы Тбилиси шерушілер полициямен қақтығысты. Демонстранттар президент сарайын басып алуға әрекеттенген. Кейбірі тіпті, кешеннің ауласына кірді. Қарсылық акциясын тарату үшін тәртіп сақшылары су шашатын көліктер мен көзді жасаурататын газ қаруын қолданды. Шерулер былтырғы парламенттік сайлаудан соң басталды. Онда биліктегі «Грузин арманы» партиясы жеңіске жетті. Бұл мәліметті кейіннен елдің орталық сайлау комиссиясы растаған. Алайда, оппозиция өкілдері ресми қорытындымен келіспей, 300 күннен бері наразылық акцияларын тоқтатпай келеді.