Жапонияда үкіметті алғаш рет әйел адам басқаруы мүмкін

Жапония үкіметін тарихта алғаш рет әйел адам басқаруы мүмкін. Бүгін биліктегі Либералдық-демократиялық партия өзінің жаңа лидерін таңдады. Сол сайлауда 64 жастағы Санае Такаичи жеңіске жеткен.

Бірер сағат бұрын жасаған мәлімдемесінде Такаичи жеке өмір мен жұмыс арасындағы баланстан бас тартып, тек еңбек етуге уәде берді. Айта кетсек, Жапонияны либерал-демократтар Екінші дүниежүзілік соғыстан бері басқарып келеді. Қазір оның алдында шарықтаған инфляция мен миграцияны шектеу міндеті тұр. Жергілікті ақпарат құралдарының хабарлауынша, Жапонияда жаңа премьер-министрге дауыс беру қазанның 15-не жоспарланып отыр.