Израиль полицейлері гуманитарлық жүк тиелген 40 қайықты тоқтатты

Израильдің жүздеген полиция офицері Газа секторына гуманитарлық көмек апара жатқан жаһандық флотилияның 40-қа жуық қайығын тоқтатты. Олардың бортындағы 450-ден астам шетелдік белсендінің ішінде швециялық экология жанашыры Грета Тунберг пен бірталай еуропалық депутат бар. Белсенділердің кейбірі қамауға алынған. Азық-түлік пен дәрі-дәрмек тиелген су көліктеріне шабуыл жасағаны үшін Израиль қазір үлкен халықаралық сынға ұшырап отыр. Бірақ премьер-министр Биньямин Нетаньяху үкіметінің мәлімдеуінше, бұндай операциялар «Хамастың» шетелден қару-жарақ импорттауына жол бермеу үшін қажет.