Денис Тенді еске алуға арналған турнир басталды

Алматыда Қазақстанның әйгілі мәнерлеп сырғанаушысы Денис Тенді еске алуға арналған турнир басталды. Байрақты бәсекеге әлемнің 25 елінен 150-ге жуық спортшы келген. Ел намысын 20-ға жуық конькиші қорғайды. Сайыста мұздағы би дуэттерінен бөлек, жасөспірімдер, әйелдер және ерлер арасында жеке сырғанаушылар да бар. Жарыс 4 қазанға дейін жалғасады. Турнирде үздік атанғандар әлемдік рейтингте ұпайын арттырады. «Сайыс спортшыларға келесі жылы Италияда өтетін қысқы Олимпиада ойындарына дайындығын пысықтауға мүмкіндік береді», - дейді шара ұйымдастырушылары.

Әлімжан Ақаев, Қазақстан ұлттық олимпиадалық комитетінің бас хатшысы:

Милан мен Кортинaда өтетін Олимпиадалық ойындарға бір дайындық есебінде басталады. Біздің спортшылардың барлық құрамы осында. 2 ерлерден, 2  қыздардан құрамы осында шығады. Және өздерінің Олимпиадада көрсететін практикалық және шоу көрсетіп жатыр.