Үндістанда жүзушілеріміз 10 медаль жеңіп алды

Су спорты түрлерінен Үндістанда өтіп жатқан Азия біріншілігінің жүзу сайыстары аяқталды. Сары құрлық бәсекесінде отандастарымыз 10 жүлде жеңіп алды. Оның біреуі алтын, 5-і күміс, қалған 4-і қола. Жарыстың соңғы күнінде 50 метрге баттерфлай әдісімен жүзуден сынға түскен Әділбек Мусин Азия чемпионы атанды. Әділбек бұл қашықтықты шамамен 23 секундта жүзіп өтті. Он алты милисекундқа қалып қойған тағы бір қазақстандық Максим Сказобцов қола жүлдеге ие болды. Құрлықтық біріншілік ары қарай су добы мен көркем жүзу бағдарламасы бойынша жалғасады. Ұлттық құрама өкілдері бұл жарыста да жүлдеге таласады. Чемпионат 10 қазанда аяқталады.