Илон Маск әлемнің алғашқы жартылай триллионері атанды

«Тесланың» басшысы Илон Маск әлемнің бірінші жартылай триллионері атанды. «Форбс» журналының дерегінше, сәрсенбі күні Нью-Йорк уақытымен түстен кейін технологиялық магнаттың байлығы 500 миллиард доллардан асып кеткен.

Айта кетсек, соңғы айларда «Тесланың» ғана емес, Масктың өзге де кәсіпорындарының құны артты. Солардың қатарында оның жасанды интеллект стартапы мен SpaceX ракета компаниясы да бар. Кейбір сарапшылардың пікірінше, бұл жетістіктер Илон Масктың дүниежүзіндегі ең бай адам деген позициясын тіпті нығайтып отыр.