Еліміздегі ең қарт адам 115 жаста

Еліміздегі ең қарт адам Ұлытау облысы, Қызылжар ауылында тұрады. Түймегүл Темірбаева биыл 115 жасқа жетті. Жалпы, бір ғасырлық белесті бағындырып, абыздыққа аяқ басқан қазақстандықтар саны - 448. 

Жүз жасқа толғандардың ең көбі Алматы қаласында. Онда ғасыр ғұмыр кешкен 58 адам бар. Ал, рухани астана Түркістанда 53, Алматы облысында 37 қазыналы қарт тұрады. Сондай-ақ, ең қарт қазақстандықтар қатарында Павлодар облысының тұрғыны бар. Ол биыл - 113 жасқа жетсе, жамбылдық ардагер 110 жасты бағындырды.