Басты Жаңалықтар Көлік пен логистикада ЖИ мүмкіндігін пайдаланады

Көлік пен логистикада ЖИ мүмкіндігін пайдаланады

01.10.2025 17:19

Қытай мен Еуропаны жалғайтын Транскаспий халықаралық көлік торабының даму бағыты нақтыланды. Тасымал торабына цифрландыру ісі, жасанды интеллект мүмкіндіктері енгізілмек. Бұл туралы Алматыда өткен халықаралық жиында белгілі болды. Кездесуге 21 мемлекеттен 160-қа жуық логистика компаниясының өкілдері қатысты. Олар отандық ұйымдармен келісімге келді. Құжатқа сай Қазақстан мен Әзербайжан стратегиялық әріптестігін нығайта түспек. Ал латвиялық компания көлік басқарудың автоматтандырылған жүйесімен қамтамасыз етуі мүмкін.

Рамазан Кая, жүк тасымалы компаниясының өкілі /Түркия/:

Қазақстан темір жол және жүк тасымалы үшін қолайлы ел. Жүк көліктері логистикасының дамуына мүмкіндік көп. Себебі сіздер арқылы Өзбекстан, Ресей, батыс мемлекеттерімен, Түркияға тауар тасымалдап отырмыз.

Еліміз Еуразиядағы маңызды сауда дәлізі. Былтыр 4 млрд тоннаға жуық жүк тасымалданған. Ал тауар айналымы 1,4 пайызға өсіп, шақырымына 597 млрд теңгеге жетті. Сондықтан шетелдік кәсіпкерлер қазақстандық әріптестерімен серіктестікті кеңейте түсуге ниетті.

Автор

Нұрдаулет Сыздық

Бөлісу