Президент: ЖИ мамандарын оқытатын арнайы ЖОО ашу қажет

Жасанды интеллект саласын дамыту үшін арнайы мамандарды оқытатын оқу орнын ашу қажет. Бүгін Жасанды интеллектіні дамыту жөніндегі кеңестің алғашқы отырысына қатысқан Мемлекет басшысы осылай деді.

«Білім беру саласындағы жасанды интеллект: мол мүмкіндіктер және сын-қатерлер» деп аталған жиында жасанды интеллектіні білім саласына енгізу мәселесі қаузалды. Қасым-Жомарт Тоқаев саланы толық цифрландыруға қатысты үкімет мүшелеріне бірқатар тапсырма берді.