«Қайрат» пен «Реал Мадрид» матчы – әлемдік баспасөз назарында

Ертеңгі футбол әлем ақпарат құралдарының да жіті назарында. Испанияның El Mundo газеті Алматыда өтетін ойынды «Реал» үшін «ең шығыстық матч» деп атапты.

Мақала авторы қайраттықтарда жауынгерлік рух барын, сондықтан нәтижеге қол жеткізу үшін олар аянып қалмайды деп жазды.

Бұл тақырыпқа әйгілі «Нью-Йорк Таймс» басылымы да материал әзірледі. Спорт репортерінің сөзінше, ертең Чемпиондар лигасы тарихындағы «ең өзгеше» матч өтеді. Тағы бір сөзінде америкалық журналист «Қайратты» Еуропа футболының ұшы-қиырсыз мұхитындағы кішкентай балыққа теңегенімен, айтарлықтай табысты команда деп сипаттаған.