Сенат Төрағасы Италия Президентімен кездесті

Парламент Сенатының Төрағасы Мәулен Әшімбаев Қазақстанға ресми сапармен келген Италия Президентімен кездесті. Сенат спикері қос ел арасында сенімді диалог орнағанын атап өтіп, сауда-экономикалық және инвестициялық қатынастардың табысты дамып келе жатқанын айтты. Тараптар парламентаралық ынтымақтастықты арттыру, заңнамалық тәжірибе алмасу және «Қазақстан-Италия» достық топтарының жұмысын жандандыру мәселелерін талқылады. Өз кезегінде Серджо Маттарелла Қазақстандағы реформаларға оң бағасын беріп, ынтымақтастықты одан әрі дамытуға ниетті екенін жеткізді.