Астаналық ардагерлер флешмоб өткізді

Халықаралық қарттар күні қарсаңында астаналық ардагерлер флешмоб өткізді. Ұлттық нақышта киінген 50-ден астам зейнеткер, қазақ биін көпшілік назарына ұсынды. Олардың барлығы да сан салада жемісті жұмыс істеп, бүгінде бейнеттен береке тапқан жандар. Қатысушылардың ең үлкені - 87 жаста.  Ата-әжелер кейінгі буынға жол көрсетіп, замандастарын белсенді болуға шақырып отыр. Қазіргі күні Астанада зейнеткерлер үшін «Белсенді ұзақ өмір сүру орталығында» би үйірмесі жұмыс істейді. Оған 500-ге жуық ардагер қатысып, салауатты өмір салтын насихаттап жүр.

Ғазиза Қасенова, зейнеткер:

Бәріміз еңбек етеміз, кейін зейнетке шығамыз. Зейнет жасы – өмірдің соңы емес, жаңа кезеңі. Біздің мақсатымыз – ұлттық киімдерді насихаттап, жастарға тәрбие беру.