Молдовада еуропашыл бағыттағы партия жеңді

Молдовада өткен парламент сайлауында еуропашыл бағыттағы «Әрекет және ынтымақ» партиясы жеңіске жетті. Алдын ала мәліметтерге сай, президент Майя Сандудың партиясы парламенттегі 101 орынның 54-ін иеленген. Ал ресейшіл оппозициялық «Патриоттық блок» партиясы бұл сайлауда жеңіліп қалды. Тағы бір еуропашыл саяси күш – «Альтернатива» блогынан да бірнеше кандидат парламентке өткен. Осы жолғы парламент сайлауына барлығы 14 саяси партия, төрт сайлау блогы және төрт тәуелсіз кандидат қатысты.