«Қайрат» - «Реал Мадрид»: Матчты көруге шетелден 4 мыңнан аса турист келеді

Алматыға «Қайрат» пен «Реал Мадрид» арасындағы матчты тамашалау үшін шетелден 4 мыңнан астам турист келеді. Әзірге олардың қай елден келетіні белгісіз. Бұл туралы Орталық коммуникациялар қызметінде өткен брифингте Туризм индустриясы комитетінің төрағасы мәлімдеді. Айтуынша, шаһардағы қонақ үйлер меймандарды күтіп алуға дайын. Алдын ала болжам бойынша, бюджетке 2-3 миллиард теңге түседі.